Introduccion
E ocean ta provee cuminda y trabou, ta sostene turismo, ta yuda regula e clima, y ta mantene bida marino. Sinembargo, contaminacion, actividadnan dañino, uzo excesivo y cambio climatico ta pone presion riba e ocean.
“30 pa 30” ta un meta global pa proteha por lo menos 30% di tera y ocean di mundo pa aña 2030. Aruba a compromete su mes na e meta aki den su Strategia y Plan di Accion Nacional pa Biodiversidad (NBSAP). Aruba ta maneha aproximadamente 25,267.81 km² di ocean como su Zona Economico Exclusivo (EEZ), y su Areanan Marino Protegi (MPA) costero existente ta cubri mas o menos 0.24% di e area marino aki.
E consulta publico aki ta un iniciativa di Gobierno di Aruba, cu DNM como departamento gubernamental responsabel pa coordina e consulta.
E consulta publico aki ta enfoca especificamente riba e proteccion di lama grandi, leu di Aruba, pafo di e Areanan Marino Protehi (MPA) costero existente. Pa medio di e encuesta aki, bo ta invita pa evalua cuater scenario posibel pa proteccion di lama grandi y duna feedback pa informa futuro decision pa e asignacion di un MPA 'offshore’.
E encuesta aki ta trata lama grandi, esta 5 km leu for di costa te na e limite exterior di e awanan teritorial di Aruba. E area dentro di 5 km for di costa lo wordo trata den un consulta separa, cu ta planea pa 2028/2029. E encuesta aki tin 29 pregunta y por tuma aproximadamente 20 minuut pa yena, dependiendo di cuanto detaye bo ta desea di inclui.
Bo participacion ta boluntario.
Por fabor, manda solamente un contesta pa cada persona.
Loading...